Allama Iqbal Poetry-Qeemti Bateinخردمندوں سے کیا پوچھوں کہ میری ابتدا کیا ہے

Allama Iqbal Poetry

خردمندوں سے کیا پوچھوں کہ میری ابتدا کیا ہے

 کہ میں اس فکر میں رہتا ہوں  میری انتہا کیا ہے

تشریح : علامہ اقبال اس شعر  میں انسان کی زندگی کے مقاصد کے بارے میں بات کرتے ہوئے کہتے ہیں کہ اس حقیقت سے ہر کوئی واقف ہے کہ اُسے کیسے بنایا گیا ہے، میں تو ہمیشہ اسی فکر میں رہتا ہوں کہ میری زندگی کا مقصد کیا ہے اور میرا اختتام کیسا ہو گا؟ انسان کی زندگی کا مقصد کیا ہے؟ ٓاُسے کیوں بنایا گیا ہے؟ اُس کی زندگی کا نصب العین کیا ہے؟یہی وہ تمام سوالات ہیں جن کے جوابات انسان کی زندگی میں انقلاب لا سکتے ہیں۔

خودی کو کر بلند اتنا کہ ہر تقدیر سے پہلے 

خدا بندے سے خود پوچھے بتا تیری رضا کیا ہے

تشریح : علامہ اقبال اس شعر  میں انسان کو یہ  پیغام دے رہے ہیں کہ اے انسان اپنی خودی کو اس قدر بُلند کر لےکہ خالقِ دو جہاں تجھ پر مہربان ہو کے اپنی رضا اور تیری سوچ میں ہم آہنگی  پیدا کر دے۔جب اللٰہ تعالٰی انسان کو قربت الٰہی کے اِس مقام سے نواز دیتا ہے تو انسان اپنے رب کے ہر فیصلے پرراضی ہو جاتا ہےاور وہ اپنے رب کی رضا میں ہی اپنی خوشی تلاش کرتا ہے۔

مقامِ گفتگو کیا ہے اگر میں کیمیا گر ہوں

 یہی سوزِ نفس ہے اور میری کیمیا کیا ہے

تشریح : علامہ اقبال اس شعر  میں کہتے ہیں کہ میں انسانوں سے محبت کرتا ہوں اور ان کے مسائل کا سنجیدگی کے ساتھ جائزہ لیتا ہوں۔یہی جذبہ میرے کلام میں وہ تاثر  پیدا کرتا ہے کہ کوئی بھی انسان میری شاعری پڑھ کر حقیقی معنوں  میں اپنی زندگی بدلنے پر آماد ہو جاتا ہے۔

نظر آئیں مجھے تقریر کی گہرائیاں اس میں

 نہ پوچھ اے ہم نشیں مجھ سے، وہ چشمِ سُرمہ سا کیا ہے

، معانی: چشمِ سُرمہ :وہ آنکھ جس میں بہت کشش ہو

ہم نشیں :ساتھ بیٹھنے والا

تشریح : علامہ اقبال اس شعر  میں کہتے ہیں کہ میں نے جب اپنے محبوب کی پُر کشش آنکھوں میں جھانکنے کی کوشش کی تو میں یہ جان سکا کہ اُس کی نظر میں میری قدرو قیمت کیا ہے۔ اقبال کہتے ہیں کہ یہ جاننا ذرا بھی مشکل نہیں ہے کہ محبوب کے دل میں کیا چل رہا ہے۔ذرا سی کوشش سے اِس بات کا اندازہ ہو جاتا ہے کہ محبوب کی سوچ کیا ہے یاوہ ہمارے بارے میں کیا سوچ رہا ہے۔

اگر ہوتا وہ مجذوب فرنگی اس زمانے میں 

تو اقبال اس کو سمجھاتا مقامِ کبریا کیا ہے

معانی: مجذوبِ فرنگی: جذب و مستی کی حالت میں غرق یورپی دانشور، جرمنی کا مشہور مجذوب فلسفی نیٹشا جو اپنے قلبی واردات کا صحیح اندازہ نہ کر سکا اور اس لیے اس کے فلسفیانہ افکار نے اسے غلط راستہ پر ڈال دیا ۔

 تشریح : اس شعر میں اقبال نے نٹشے کے فلسفیانہ نقطہ نظر کو رد کرتے ہوئے کہا ہے کہ اگر نٹشے میرے عہد میں ہوتا تو میں اس کو مقام کبریا سے ضرور آشنا کرتا ۔ یہ وہ فلسفی تھا جس نے غالباً سب سے پہلے سپر مین یعنی فوق البشر کا نظریہ پیش کیا جس کے مطابق دنیا کی سب سے بڑی نیکی قوت ہے اور طاقتور انسان ہی کو یہ حق حاصل ہے کہ کمزور لوگوں پر حکومت کرے ۔ اقبال کے نزدیک نٹشے میں ایمان کا جوہر تو موجود تھا لیکن اس کو کوئی حقیقی رہنما نہ مل سکا ۔ مزید یہ کہ ذاتی فلسفیانہ افکار نے اسے غلط راستے پر ڈال دیا ۔ اقبال کہتے ہیں کہ میرے عہد میں وہ زندہ ہوتا تو فوق البشر کی تعریف اسے بتاتا کہ روحانی سطح پر ہی سیرت و کردار کی تعمیر سب سے بڑی نیکی ہے ۔ اور اسی کے ذریعے انسان فوق البشر بن سکتا ہے نیز مقام کبریا سے بھی آگاہ ہو سکتا ہے ۔

نوائے صبحگاہی نے جگر خوں کر دیا میرا

 خدایا جس خطا کی یہ سزا ہے وہ خطا کیا ہے

، معانی : نوائے صبح گاہی :صبح سویرے  اُٹھ کے اللٰہ کے حضور رونا یا گڑگڑانا

 جگر خوں کرنا : جگر کا لہو بہا دینا ،خود کو برباد کر دینا

تشریح : اس شعر میں اقبال کہتے ہیں کہ جب میں صبح بیدار ہوتا ہوں اور مسلمانوں کے زوال اور پستی کے بارے میں سوچتا ہوں تو میرا دل خون ہو کر رہ جاتا ہے اور میں اپنے رب سے دل ہی دل میں یہ شکوہ کرتا ہوں کہ اے میرے رب! میں کے ایسی کون سی خطا کی تھی جس کی مجھے یہ سزا مل رہی ہے۔

In Roman Urdu

Khirad-mandon se kya pouchon ke meri ibtida kya hai 

ke mein is fikar mein rehta hon ke meri intahaa kya hai

 Tashreeh : Allama Iqbal is shair mein insaan ki zindagi ky maqasd ke baray mein baat karte hue kehte hain ke is haqeeqat se har koi waaqif hai ke ussay kaisay banaya gaya hai, magar mein to hamesha isi fikar mein rehta hon ke meri zindagi ka maqsad kya hai aur mera ekhtataam kaisa ho ga? insaan ki zindagi ka maqsad kya hai? usay kyun banaya gaya hai? uss ki zindagi ka nasbulayn kya hai? yahi woh tamam sawalaat hain jin ke jawabaat insaan ki zindagi mein inqilab laa satke hain .

Khudi ko kar buland itna ke har taqdeer se pehlay
kkhuda bande se khud pouchye bta teri Raza kya hai

Tashreeh : Allama Iqbal is shair mein insaan ko yeh pegham day rahay hain ke ae insaan apni khudi ko is qader buland kar le ke Khaliqِ-do-jahan tujh par meharban ho ke apni Raza aur teri soch mein hum-ahangi peda kar day. Jab Allah insaan ko qurbat-e-Ellahi ke iss maqam se Nawaz deta hai to insaan apne rab ke har faislay pr razi ho jata hai aur woh apne rab ki Raza mein hi apni khushi talaash karta hai .

Mqamِ guftagu kya hai agar mein chemiya gir hon 

yahi soz-e-nafs hai aur meri chemiya kya hai 

Tashreeh : Allama Iqbal is shair mein kehte hain ke mein insanon se mohabbat karta hon aur un ke masail ka sanjeedgi ke sath jaiza laita hon. Yahi jazba mere kalaam mein woh ta-assur peda karta hai ke koi bhi insaan meri shairi parh kar haqeeqi maeno mein apni zindagi badalny par aamada ho jata hai .

Nazar ayen mujhe taqreer ki gehraiyaan is mein

Nah pooch ae hum nashen mujh se, woh chashm-e Surma sa kya hai

Meanings: chashm-e Surma : woh aankh jis mein bohat kashish ho
hum nashen : sath bethnay wala

Tashreeh : allama Iqbal is shair mein kehte hain ke mein ne jab –apne mehboob ki pur kashish aankhon mein jhanknay ki koshish ki to mein yeh jaan saka ke uss ki nazar mein meri qdro qeemat kya hai. Iqbal kehte hain ke yeh janna zara bhi mushkil nahi hai ke mehboob ke dil mein kya chal raha hai. zara si koshish se iss baat ka andaza ho jata hai ke mehboob ki soch kya hai yawa hamaray baray mein kya soch raha hai .

Agar hota woh mjzob farangi is zamane mein

to Iqbal is ko samajhata mqamِ kibriya kya hai

Meanings: mjzob farangi : jazb o masti ki haalat mein ghark Europi Danishwer , Germany ka mashhoor mjzob falsafi  jo –apne qalbi waardaat ka sahih andaza nah kar saka aur is liye is ke falsfiyana afkaar ne usay ghalat rasta par daal diya .

Tashreeh : Is shair mein Iqbal ne Nietzscheke falsfiyana nuqta-e-nazar ko radd karte hue kaha hai ke agar Nietzsche mere ehad mein hota to mein is ko maqam kibriya se zaroor aashna karta. Yeh woh falsafi tha jis ne ghaliban sab se pehlay super mean yani Fauq al-bashr ka nazriya paish kya jis ke mutabiq duniya ki sab se barri neki qowat hai aur taaqatwar insaan hi ko yeh haq haasil hai ke kamzor logon par hukoomat kere. Iqbal ke nazdeek Nietzsche mein imaan ka johar to mojood tha lekin is ko koi haqeeqi rehnuma nah mil saka. Mazeed yeh ke zaati falsfiyana afkaar ne usay ghalat rastay par daal diya. Iqbal kehte hain ke mere ehad mein woh zindah hota to Fauq al-bashr ki tareef usay batata ke Rohani satah par hi seerat o kirdaar ki taamer sab se barri neki hai. aur isi ke zariye insaan Fauq al-bashr ban sakta hai neez maqam kibriya se bhi aagah ho sakta hai .

nwaye Subha gahi ne jigar khoon kar diya mera

khudaaya jis khata ki yeh saza hai woh khata kya hai

Meanings: nwaye subah gaahi : subah saweray aُth ke Allah ke huzoor rona ya girgirana
jigar khoo karna : jigar ka lahoo baha dena, khud ko barbaad kar dena

Tashreeh: Is shair mein Iqbal kehte hain ke jab mein subah bedaar hota hon aur musalmanoon ke zawaal aur pasti ke baray mein sochta hon to mera dil khoon ho kar reh jata hai aur mein apne rab se dil hi dil mein yeh shikwah karta hon ke aey mere rab! mein ne aisi kon si khata ki thi jis ki mujhe yeh saza mil rahi hai.