Urdu Ghazal-Qeemti Batein اپنی باتوں میں میرے نام کے حوالے رکھنا

Urdu Ghazal

 اپنی باتوں میں میرے نام کے حوالے رکھنا

مجھ سے دُور ہو تو خود کو سنبھالے رکھنا

لوگ پوچھیں گے کیوں پریشان ہو تم

کچھ نگاہوں سے کہنا زبان پہ تالے رکھنا

نہ کھونے دینا میرے بیتے لمحوں کو

میری یادوں کو بڑے   پیار سے سنبھالے رکھنا

تم لوٹ آو گے اتنا یقین ہے مجھ کو

میرے لیے کچھ وقت نکالے رکھنا

دل نے بڑی شدت سے چاہا ہے تمہیں

میرے لیئے اپنے انداز وہی پرانےرکھنا

تشریح

 اپنی باتوں میں میرے نام کے حوالے رکھنا

مجھ سے دُور ہو تو خود کو سنبھالے رکھنا

تشریح: اس شعر میں شاعر کہتا ہے کہ تم جب بھی بات کرنا تو اپنی باتوں میں مجھے شامل رکھنا۔ اپنی  باتوں میں میرا ذکر ایسے کرنا جیسے میں تمہارے دل میں ہوں۔

پھر شاعر کہتا ہے کہ جب تم مجھ سے دور ہو جاو تو خود کو سنبھالے  رکھنا ۔اپنا بہت خیال رکھنا اور خود کو بکھرنے مت دینا۔

لوگ پوچھیں گے کیوں پریشان ہو تم

کچھ نگاہوں سے کہنا زبان پہ تالے رکھنا

تشریح: شاعر اپنے محبوب سے مخاطب ہوتے ہوئے کہتا ہےکہ لوگ جب تم سے پریشانی کی وجہ پوچھیں گے تو تم اپنی آنکھوں سے اپنا غم  بیان کرنا اور اپنی زبان کو خاموش رکھنا ۔ شاعر کو ڈر ہے کہ اگر محبوب نے اپنا منہ کھول دیا توکہیں انجانے میں وہ محبت کے سب رازوں سے پردہ نہ اُٹھا دے۔ اسی لیے شاعر اُسے خاموش رہنے کا کہہ رہا ہے۔یعنی اپنے غم کو آنکھوں سے بیان کرنا اور زبان پہ تالے رکھنا۔

نہ کھونے دینا میرے بیتے لمحوں کو

میری یادوں کو بڑے   پیار سے سنبھالے رکھنا

تشریح : شاعر اپنے محبوب سے کہتا ہے کہ وہ لمحے جو ہم نے ساتھ میں گزارے تھے کبھی بھی ان لمحوں کو کھونے مت دینا۔ان لمحوں کو ہمیشہ اپنی یادوں میں قید رکھنا اور میری یادوں کو کبھی مت بھلانا ۔میری یادوں کو ہمیشہ سنبھال کر رکھنا۔

تم لوٹ آو گے اتنا یقین ہے مجھ کو

میرے لیے کچھ وقت نکالے رکھنا

تشریح: شاعر اس شعر میں پیار اور محبت کا اظہار کرتے ہوئے کہتا ہے کہ مجھے یقین ہے کہ تم لوٹ آو گے اسی لیے شاعر اپنے محبوب سے درخواست کرتے ہوئے کہتا ہے کہ جب تم واپس آو تو اپنے قیمتی وقت میں سے کچھ وقت میرے لیے بھی نکال لینا۔

دل نے بڑی شدت سے چاہا ہے تمہیں

میرے لیئے اپنے انداز وہی پرانےرکھنا

تشریح:شاعر اپنی محبت کا اقرار کرتے ہوئے کہتا ہے کہ میرے دل نے تمہیں بہت شدت سے چاہا ہے جب تم واپس آنا تو میرے لیے اپنے پیاربھرے انداز کو برقرار رکھنا۔مجموعی طور پر یہ تمام اشعار محبت،محبوب پر یقین،اور اس کے انتظار کی عکاسی کرتے ہیں۔ شاعر اپنے محبوب کے لوٹ آنے کا انتظار کر رہا ہے۔ اور یہ انتظار وہ اس امید کے ساتھ کر رہاہے کہ جب میرا محبوب واپس آئے گا تو اُس کے انداز وہی پرانے ہوں گے اور اس کی محبت میں کوئی بھی کمی نہیں آئی وہ گی۔